黄翠如同郭少芸最近合作无线新剧《过街英雄》，日前喺尖沙咀开工，有网友表示当时见到翠如同郭少芸被一班黑衣人追斩，但就因为拍摄阻街被人爆粗狂闹。

当晚约九时半，由于系重阳节前夕，公众假期前诺士佛台上面嘅酒吧例必多人，而《过街》剧组就拣咗一条几乎系上诺士佛台嘅必经之路。网友话：「嗰条楼梯都几多人行?，佢哋每次拍完一个镜头就会放一堆人行，大部份人都会愿意等候几分钟，或自行兜另一条路行上去酒吧。但拍到十点几，有班人唔耐烦，大声爆粗闹：『阻X住晒，拍戏大晒呀』，咁之后导演就拉队转去另一个地方拍。」有疑似剧组人员觉得唔顺气，一人一句反斥对方：「系咁X样?喇....再阿吱阿咗呢....」。

咁翠如BB同少芸有冇被吓亲？网友话：「可能呆咗一呆啦，因为佢哋喺楼梯中间，都有一段距离，但应该听到有人讲粗口，因为啲声入咗机，最后系要停机再拍。」黄翠如回复传媒时话：「我拍嘅时候又冇听到呀，其实嗰日在一条后巷拍打戏，路过嘅人很好，很多都说等我们拍了一take才过，不过假如有阻到大家过路，也代剧组向大家说声对不起。」